3-points vawi 29 nei thei Bucks

Milwaukee Bucks chuan nimin zing khan Miami Heat lakah 3-points vawi 29 zet an nei thei a, NBA record thar a ni. Bucks hian 144-97 in hnehna an chang chiang hle.

Bucks lamin a tir aṭangin inkhel an thunun a, hun chanve an hman hma phei chuan point 51 zet ten an sang fal hman. Tun hmain Houston Rockets chuan match khatah 3-points vawi 27 an lo nei tawh a, an record ropui tak hi Bucks hian an khum ta a ni.

Inkhel dangah Orlando Magic chuan Oklahoma City Thunder 118-107 in an hneh a, a zawnin match li chhung an chak ta. Kum 32 chhunga season bul an ṭan fuh ber ṭum an tawng.

Basketball inelna sang NBA season kal laiah team pahnih Orlando leh Atlanta Hawks te chauh hi chak loh nei loa kaltluang thei lai an ni. 

NBA inkhel dangah chak lo tura ngaih Golden State Warriors chuan Detroit Pistons 116-106 in an hneh. GSW tan Andrew Wiggins-a'n point 27 a neih zinga point 13 chu hun tawp dawn minute riat chauh awm tawh a neih niin, a team a chak pui.