Messi tel lohna Barca an chelh
Hliam vanga chawl Lionel Messi tel loin Barcelona chuan Eibar an hmachhawn a, Thawhlehni zana La Liga match-ah hian hnehna an chang zo lo - Eibar nen 1-1 in an inhnehtawk.
Catalan club hian first half-ah penalty hmu mah se Martin Braithwaite chuan an hun ṭha neih hi goal-ah a chantir thei lo a, Eibar tan striker Kike Garcia chuan minute 57-naah goal hmahruai a rawn khung zui.
Barcelona tan Ousmane Dembele chuan minute 10 hnu lawkah si phurh hi a rawn sut a, goal dang erawh a lut tawh lo - penalty hlahtu Braithwaite bawkin goal khung theihna remchang a nei a, mahse hnai tak aṭangin goal zawnah a pet thei lo. Danish striker hi first half-a a goal khung chu VAR hmanga ennawn a nih hnuah offside vangin pawmsak a ni lo bawk.
Ke rek hliam vanga inlan thei lo Messi chuan inkhel hi a hmunah a en a, a team chak zo lo lai bak en tur a nei lo - Barca hi table-ah parukna an ni zui a, league match 15 an khelh tawh aṭangin point 25 chauh an la nei a, an ropui lo hle.
Barcelona hian January 3 zanah league match khel turin Huesca an lenchilh leh dawn a, beisei anga thil a kal tluan chuan Messi a inlan thei leh tawh ang.
Inkhel Results
Sevilla 2 - 0 Villarreal
SEV: Lucas Ocampos 8' (P); Youssef En-Nesyri 53'
Barcelona 1 - 1 Eibar
BAR: Ousmane Dembele 67'; Kike Garcia 57'
Cádiz 0 - 0 Real Valladolid
Levante 4 - 3 Real Betis
LEV: Oscar Duarte 2'; Jose Luis Morales 22', 24'; Roger Martí 55'
REB: Aissa Mandi 12'; Sergio Canales 78' (P); 86'
Zanin Inkhel Tur
Athletic Bilbao 6:30 PM Real Sociedad
Osasuna 8:45 PM Alaves