Vawiinah Mizoram Vs Chandigarh

Junior Boys National Football Championship For Dr BC Roy Trophy 2025-26-ah vawiin chawhma dar 8:00 hian Mizoramin Chandigarh an hmachhawn dawn. Mizoram hi manager Lalbiakzuala, coach HC Zarzoliana, assistant coach Lalnunmawia leh physio Angie Ramngaihawmi ten an hruai.

Mizoram hi group D-ah Chandigarh (July 21), Chhattisgarh (July 23) leh Maharashtra (July 25) te nen an awm ho a, vawiina an inkhelhna tur hi Bibi Ratni Sports Stadium, Amritsar a ni.

Mizoram manager Lalbiakzuala chuan, "Ṭum hnih training kan nei thei a, inkhel turin kan inpeih tawh. Coach te pawh kan training danah an lungawi a, kan inringtawk hle," tiin Vanglaini a hrilh.

Mizoram hian July 18, Zirtawpni khan Aizawl an chhuahsan a, July 19, Inrinniah inelna neihna tur Amirtsar, Punjab an thleng.