Mini Mizo Futsal League

Mizoram Football Association chuan naupangten football lama bulṭanna ṭha an neih theih nan, Reliance Foundation Young Champs te nen a ṭangkawpin School, Vengchhung leh Academy-ah te U6, U8 leh U10 tan Futsal League buatsaihna hun ṭha a siam dawn a, a bul ṭan nan Aizawl khawpui chhungah he Project hi kalpui a ni ang.

MFA-RFYC hian equipment mamawh leh ṭanpuina kawng hrang hrangin a buatsaih duh te hi a pui dawn bawk a ni. He League buatsaih tur hian MFA chuan School, Sporting Club, Branch YMA, Football Academy te a sawm a, dilna chu Google Form hmangin July 27, 2025 hma a thehluh tur a ni.

MFA- RFYC te hi Aizawl District a Naupang League buatsaihtu te an ni a, tunah hian Season 4 kalpui turin hmalakna a kal mek a ni. Hriatchian duh nei tan 9862647664 leh 7005623472-ah zawhfiah theih a ni ang.

Registration link : https://shorturl.at/1cNA2