Kan chet ran lehzual a ngai - Amorim

Premier League season thar inbuatsaih nan Manchester United chuan Leeds United an hmachhawn a, goal lut lo 0-0 in an inhnehtawk. Ruben Amorim chuan a naute chuan chet ran lehzual an mamawh niin a sawi.

United hi season hmasa khan EPL-ah 15-na an ni a, EPL tih a nih china season an hman chhiat ber ṭum a ni. Europa League final-a an chak loh bawk avangin season tharah European football an khel phak dawn lo.

Amorim chuan, "Chak leh rang taka ball inpek kual kan tum khan kan harsat tlat, ball kan hloh hnuah min beih letna tur an hmu nghal zel ṭhin. Kan che rang tawk lo, a bik takin midfield-ah kan che rang lo hle a ni.

"Hma zawnga ball kalpui kan harsat a, goal khung theihna remchang insiam mah ila Premier League season ṭan hmain tih tur kan la ngah hle. Mimal pawh a ni lo, tunah chuan team pumpui in hmasawn kan ngai," tiin a sawi.

United hian July 26, Inrinni hian MetLife Stadium-ah West Ham United an hmachhawn leh ang.