July 28 aṭangin I Day Football

Mizoram Premier League Season 12 ṭan hmain I Day Football 2025 khelh a ni dawn a, hei hi tualchhung football season khuh hawnna tur a ni. MFA buatsaih inelnaah hian MPL club pariat bakah state pawn aṭangin North East United leh FIFA AIFF Talent Academy te an tel dawn a, ADFA First Division club pahnih Ramhlun North FC leh Tuithiang FC te an tel bawk ang.

MFA-in fixtures a ti chhuak tawh a, inelna hi RG Stadium-a khelh tur niin July 29, Thawhṭanni aṭangin khelh a ni dawn a, final hi August 15, Zirtawpnia khelh tur a ni.

Inelnaah hian team 12 an tel dawn a, group pathumah pali zelin ṭhenhran a ni dawn. Group tina pakhatna ṭheuhin semifinal an lut dawn a, group pathuma pahnihna zinga ti ṭha berin knockout stage an lut bawk ang.