Galatasaray-ah Osimhen nghet dawn

Victor Osimhen chuan loan hmanga a khelhna Galatasaray chu a nghetin a zawm dawn. Inremna ziah la ni chiah lo mah se Turkish club leh Osimhen neitu Napoli te chu an inrem tawh a ni.

Football transfer thuhar chungchanga mi bik Fabrizio Romano chuan Osimhen dinhmun hi a chiang tawh tiin a sawi a, a man atan euro maktaduai 40 chu kumin atan an pe phawt ang a, nakkumah euro maktaduai 35 dang an pek belh leh ang.

Osimhen hi player ṭha tak a ni, mahse Napoli manager Antonio Conte-a'n a ngaina lo, season hmasa pawh khan Galatasaray-ah loan hmangin a khelhtir a, inelna hrang hrangah match 41 aṭanga goal 37 khungin, a ṭhiante khung tur vawi riat a siamsak bawk.