A vawi khat nan Bublik champion

Alexander Bublik chuan a vawi khat nan Tour-level title a la - Pathianni zana khelh zawh tak Swiss Open final-ah Juan Manuel Cerundolo hnehin hlawhtlinna hi a chang.

World number 34 Bublik hian world numbber 109 Cerundolo hi 6-4, 4-6, 6-2 in a hneh a, hnehna chang tur hian darkar hnih leh minute riat chhung hun a hmang a ni.

Wimbledon khelh zawh takah khan kum 28 mi Bublik hi hneh nei loin a tla nghal, chawl mai loin inelna a hmachhawn chhunzawm nghal. Tun ṭumah hian champion turin Alexander Shevchenko, Francisco Comesana, Arthur Cazaux leh Cerundolo te a hneh.

Bublik chuan, "Nomawi hi chu ka lo la tawh ṭhin, mahse tun ṭuma mi chu Tour-level title hmasa ber a nih avangin a hlu hle. Player ṭha tak tak paltlang hnua hlawhtlinna a nih avangin ka ngaihlu hle bawk," tiin a sawi.