Napoli defender thar Beukema

Serie A champion Napoli chuan defender Sam Beukema chu Bologna aṭangin an lei fel, an player duh lalut tur hian euro maktaduai 30 zet an sang niin Italian chanchinbu te chuan an tarlang.

Kum 26 mi Beukema hian 2023 khan AZ Alkmaar aṭangin Bologna hi a zawm a, tun hnai season hnih chhungin Italian club tan hian inelna hrang hrangah match 80 chuang a khelh hman, tunah chuan Naples club tan kum nga daih contract a ziak.

Antonio Conte enkawl Napoli hi an inthuam ṭha mek zel, tun nipui chhungin Beukema hma hian Belgian midfielder Kevin De Bruyne, Dutch winger Noa Lang leh Italian striker Lorenzo Lucca te a la fel tawh bawk a ni.