Humhimi lawmpui

Mizoram Judo Association chuan nimin khan Mizoram Judo Hall, Zemabawk North-ah 'World Police and Fire Games 2025' gold medal latu Lalhumhimi lawmpuina hun an hmang.

Lawmpuina hunah hian Mizoram Judo Association-in Rs 40,000 an hlan bakah Sports & Youth Services minister Lalnghinglova Hmar-in lawmpuina Rs 10,000 a pe a; Zemabawk North Local Council leh NGO hrang hrangte'n thilpek an hlan bawk.

Indian Police Lalhumhimi, Zemabawk North hian Alabama, USA-a neih zawh tâk World Police and Fire Games 2025-ah khan Judo (52kg) huangah gold medal a hlawh chhuak a ni.