Leeds player thar Stach

Premier League kai thar Leeds United chuan Germany midfielder Anton Stach chu Hoffenheim aṭangin an lalut a, pound maktaduai 17 man niin kum li chhung cham turin contract a ziak fel a ni.

Nipui bazarah Leeds an che na hle - Stach an lak hma hian Sebastiaan Bornauw, Jaka Bijol, Gabriel Gudmundsson, Lukas Nmecha leh Sean Longstaff te an lalut tawh a, player thar paruk an ziak lut tawh tihna a ni.

6ft 4in zeta sang Stach chuan, "Premier League team ṭha tak mai ka zawm thei hi ka lawm, season thar ka nghahhlelh phah hle. Kei chu goal nawr chi ka ni a, ka khelh dan leh Leeds khelh duh dan hi a inmil dawn hle bawk, ka theihtawp ka chhuah dawn a ni," tiin a sawi.