Kum 48 mi Venus a la inkhel

Grand Slam vawi sarih champion tawh Venus Williams chuan kum 48 a tlin hnuah tennis a la khel. Venus hi Washington Open khelh laiah inlanin Hailey Baptiste nen doubles huangah an khel a ni.

A vanglaia world number 1 ni thei Venus hi kum khat leh thla li vel a inkhel tawh lo a, tun inelna hmachhawn tur hian wildcard pek a ni. A ṭanpui Baptiste nen hian Eugenie Bouchard leh Clervie Ngounoue te ṭangdun chu 6-3, 6-1 in an hneh.

American star Venus Williams chuan, "Ka tan chuan tennis hi a hlu hle a, ka hmangaihin ka ngaina em em bawk. Miten min hriat vena leh ka hming chherna a nih avangin a hlu zual," a ti. Singles huangah Peyton Stearns a hmachhawn leh bawk ang.