China Open-ah Satwik leh Chirag

India badminton khel thiam pahnih Satwiksairaj Rankireddy leh Chirag Shetty te chuan China Open an khel dawn a, inelna lian leh ngaihhlut World Championship an khelh hmaa tounament an khelh hnuhnung tur a ni tawh ang.

August 25-31 chhungin Paris khawpuiah World Championship hi khelh a ni dawn a, tun kar chhunga Changzhou-a inelna neih tur hi Satwik leh Chirag ten inbuatsaihna a nih dawn avangin a pawimawh hle.

Satwik leh Chirag te hian kumina tournament an khelh hoah semifinal thlenna pathum an nei tawh, chung zingah chuan Malaysia leh Indian Open te pawh a tel, chumi hnuah Satwik-a hnungzâng na vangin an buai zui a, result ṭha an nei chhunzawm thei ta lo.

Satwik hliam a dam hnuah Singapore Open leh Indonesia Open te khel leh mah se an boruak a sang thei rih lo, tunah result ṭha neih tumin an bei dawn a ni a, kawng awlsam erawh a ni lem lo ang.