Ferguson-a'n Roma a zawm

Brighton & Hove Albion striker Evan Ferguson chuan season khat chhung loan-a khel turin AS Roma a zawm a, Republic of Ireland international hian Serie A lamah hming chher thar a beisei ang.

Ferguson hian kum 18 mi chauh ni chunga, Newcastle United laka hattrick siamin, a hming a chher hman viau a, mahse, 2022-23 season-a PFA Young Player of the Year award dawng tura chhawpchhuah zinga mi striker hian beisei a phak lo zui.

Season hman zawh tak chawhma lam kha Brighton-ah hian awmin, match 15-ah goal khat chiah a khung a, February 2025 khan West Ham chu loan-in zawm zui mah se, match riat a khelhah goal a khung miah lo.

Brighton head coach Fabian Hurzeler chuan, "Evan hian tun hnaiah beisei a phak lo a, hliamin a tibuai bawk. Regular taka inkhelh a duh a, tunah chuan league ṭha takah, European football khel phak club a zawm dawn ta," a ti a, a player a thlah.