Magpies technical director thar Gopaladesikan

Newcastle United chuan technical director atan Sudarshan Gopaladesikan an lakluh thu an puang a, Newcastle pumpuia football data operations-ah hotupa a ni ang.

Sudarshan Gopaladesikan hi Bengaluru khawpuia Infosys-ah pawh Research Assistant-in a lo thawk tawh ṭhin a, infiamna khawvelah pawh a mikhual hran lo.

University of Southern California aṭanga PhD (biokinesiology & physical therapy) nei Gopaladesikan hian Major League Baseball club Los Angeles Dodgers leh English Institute of Sport-ah te hna a thawk tawh.

City Football Group-ah Lead Data Scientist a ni tawh a, Chelsea leh Benfica-ah Head of Sports Science niin, Atalanta-ah Director of Football Intelligence a ni tawh bawk.