Sinner leh Ferrara thawkdun leh dawn

Wimbledon champion Jannik Sinner leh tun hma lama a lo thawnpui tawh fitness coach Umberto Ferrara te chu an thawkdun leh dawn, inremna an neih thu hi Sinner chuan a sawi chiang tawh a ni.

Nikum khan Sinner hian damdawi hman phal loh hman chungchangah endikna vawi hnih a paltlang zo lo, hemi hnu lawh hian Ferrara nen an thawhdunna pawh an titawp, tunah erawh team pakhatah an awm leh ang.

Sinner-a team chuan thuchhuah siamin, "Umberto hi mi bik a ni a, a bik takin Jannik tan a pawimawhin hlawhtlinna tam tak a chan theih chhan pawh a ni. Tunah hian Cincinnati Open leh US Open khelh hmabak a awm, hemi atan hian inremna kan nei tawh," an ti.

World Anti-Doping Agency (WADA) endikna a paltlang zawh loh avangin Sinner hian thla thum chhung hremna a lo tawk tawh a, tunah chuan tennis zinkawng pangngai a zawh cho leh mek. Wimbledon khelh zawh takah khan Carlos Alcaraz hnehin a champion a, atan hming chher thar lehna a ni bawk.