Kum 45 mi Venus Williams a chak

Venus Williams chu WTA Tour-level singles match-a chak thei upa pahnihna a ni. American star hian nimin zing khan Washington Open-ah Peyton Stearns chu straight set hmangin a hneh.

Williams hi kum 45 mi a ni tawh a, a vanglai a pel tawh. Amah aia kum 22 zeta naupang zawk Stearns lakah hian 6-3, 6-4 in hnehna a chang a, a hneh tak hi world number 35 ni lai a nih bawk avangin a sulhnu a nep lo hle.

Kum 2004 khan Martina Navratilova chuan khatih laia kum 47 mi ni chungin WTA Tour-level singles match-ah hnehna a lo chang tawh, ani hnuah chuan Venus hi chak thei upa a ni leh chiah a, upa ber record chelh tur erawh chuan kum khat a nghah tlin a la ngai hial.

Grand Slam vawi sarih champion tawh Venus Williams chuan, "Ka tennis zinkawngah hian engmah fiah leh chuan tur ka neih ka hre lo. He hmunah hian nuamti taka inkhel turin ka kal a, mitin record leh thil dang an sawi hi kei chuan ka ngaihven tak a ni lem lo," a ti.

Venus hian second round-ah chuan seeded pangana Magdalena Frech a hmachhawn leh ang.