Last 16-ah Sindhu a lut

Badminton inelna China Open Super 1000 khelh laiah PV Sindhu chuan last 16 a in vaw kai - Indian player hian Japanese player Tomoka Miyazaki chu 21-15, 8-21, 21-17 in a hneh a ni.

Olympic medal vawi hnih la tawh Sindhu hian bul a ṭan fuh hle a, game hmasa berah 13-5 a hma hruiaiin a tlang zui a, game hnihnaah erawh a hniam zawk. Game hnuhnung berah inkhel tawh chho voau mah se a tawpah Sindhu a sang ta zawk.

A vanglai chuan Sindhu hi world number 2 pawh a lo ni tawh ṭhin, mahse tun hnaiah a tlahniam - number 15 a ni daih a, nikum aṭang tawh khan hlawhtling taka tournament khelh tluan a nei thei ta meuh lo a ni.

Kar hmasa mai pawh khan Super 750 Japan Open a khel a, a match hmasa berah South Korean player Sim Yu Jin chu 15-21, 14-21 in a ngam lo. Tun ṭumah erawh bul a ṭan fuh a, inelna lian World Championship khelh hmaa tournament hnuhnung a nih theih tawh avangin a pawimawh hle.