Goa-in Hyderabad an hneh

Nilaini zan Indian Super League inkhelah FC Goa chuan 2-1 in Hyderabad FC an hneh a, playoff khelh an beiseina chu an chhawm nung ve zel - table-ah pathumnaah an invawrh chho a, league match kua an khelh aṭangin point 14 an nei ta.  

Hyderabad tan Aridane Santana chuan minute 58-naah goal hmahruai a khung a, hei hi hnehna an chanpui mai dawn niin a lang hman. Mahse, hun tawp nan minute thum chiah a awm tawh tihin Ishan Pandita chuan si phurh a rawn sut a, Igor Angulo chuan hun pek belhah chakna goal a khung zui bawk. 

Hun a tawp meuh chuan minute tam zawk hnufual Goa-in hnehna an chang a, Hyderabad-in point hlawhchhuah an nei lo thung - Hyderabad club hian match riat an khelh tawh aṭangin point kua chiah an la nei a, beisei a sang ta lo hle. 

ISL-in kum thar chawlh an hmang dawn a, January 2 zanah league an khel ṭan leh chauh ang - Mumbai City leh Kerala Blasters an inkhel ang. 

Mumbai hi table-ah pahnihna an ni mek a, match sarih aṭangin point 16 an nei tawh - an chung chiaha awm ATK Mohun Bagan aiin point khatin an hmu tlem zawk a, match khatin an khel tlem thung. Blasters hi pakuana an ni mek thung a, match sarih aṭangin point ruk chauh an la nei. 

Hyderabad FC    1 - 2    FC Goa