Semi final-ah Aizawl FC & BVT

Flying Christabel Mizoram Premier League Under 18 semifinal a hriat kim ta. Nimin khan Lammualah Aizawl FC-in semifinal lut turin Chan-mari FC 5-0 in an sawp a, Bethlehem Veng-thlang FC-in knockout stage an luh lawm nan Zo United 4-1 in an sawp leh bawk.

MPL U18-ah Chhinga Veng FC-in match sarihah point 19 zet hmuin hma-hruaitu an ni a, Aizawl FC-in league match tawp berah semifinal ticket nei chauh mah se pahnihna dinhmun an luah pha tho. AFC hian hnehna an chan avangin Bethlehem Vengthlang FC-in Zo Uni-ted an hmachhawn hma--in semifinal an lut chiang tih an hria a, point thum hmuh an ṭhulh phah lo.

BVT hian November 17 hian league-a pa-khat-na Chhinga Veng chu semifinal-ah an hma-chhawn ang a, Aizawl FC-in hemi tuk hian Chanmari West FC nen final luh an inchuh ve bawk ang.

AFC an chungnung

Inkhelh ṭan hmain Chan-mari FC leh Aizawl FC inkarah point thum lai awm mah se MPL Un-der 17 hmasa pahnih cham-pion Chanmari FC kutah semifinal chahbi a awm. Chanmari FC tan semifinal lut turin Aizawl FC hneh a tawk a, khelmual chhungah erawh sawi ang ngawta awlsam a ni lo.

Aizawl FC-in VL Nunga hmangin darkar chan-ve lekah hma an hruai a, second half-ah Zosangliana goal hnih bakah Lalrintluanga leh Lalrammawia ten goal khat ve ve an khung ve bawk. Chanmari FC hian goal chhuah zet mah se tun inelnaa an goal chhuah tam ber ṭum erawh an ṭhenawm club Chanmari West lakah an tawng. November 3 khan West Warrior-in 9-0 zetin Chanmari hi an sawp a, hei vang hian record nei ṭha Chanmari hian kumin MPL U18 semifinal luh an phu lo.

BVT an sang

MPL5-ah BVT a chung berah an awm a, Under 18-ah pawh BVT-in semifinal an lut. An senior team leh junior team-in semifinal an luh ve ve avangin BVT tan kum ṭha a ni.

Nimin chawhnu in-khelah Zo United-in MS Dawngliana hmangin goal khung hmasa mah se BVT lamin Lalawmpuia, David Lalrinsanga, PC Lalramdinpuia leh Lalruattluanga te hmang-in an chhang let a, 4-1 in hnehna an chang.

MPL5 Under 18-ah Chhinga Veng an chung-nung fal a, an match hnuhnung bera Chanmari West an draw tih loh chu an chak fai vek. Semi-final-a an khingpui tur BVT hi 3-1 in an hneh tawh.

Semifinal hnuhnung zawkah Aizawl FC leh Chanmari West te an inkhel dawn a, AFC hian 2-1 in league round-ah an khingpui tur hi an lo hneh tawh. Amaherawhchu West Warrior player-te hi first division club 1st Bn MAP Academy player-te an ni hlawm a, league round-ah goal 32 zet a khung bawk avangin Aizawl FC hi an chak loh a nih pawhin thil mak a ni lo ang.

Nimin Inkhel Results

Aizawl FC 5 - 0 Chanmari FC

AFC : VL Nunga 31'; Zosangliana 60', 82'; Lalrintluanga 64'; Lalrammawia 88'

Bethlehem VT 4 - 1 Zo United

BVT : Lalawmpuia 34'; David Lalrinsanga 48'; PC Lalramdinpuia 70'; Lalruattluanga 80'

ZUFC : MS Dawngliana 17'

Semifinal

November 17, Ningani

Chhinga Veng Vs Bethlehem VT

November 18, Zirtawpni

Aizawl FC Vs Chanmari West

Note : Final hi November 22, Thawhlehniah khelh a ni ang.

Team Dinhmun

# Team Pld W D L GF GA GD Pts

1 Chhinga Veng FC 7 6 1 0 20 4 16 19

2 Aizawl FC 7 5 0 2 16 3 13 15

3 Chanmari West FC 7 4 2 1 32 7 25 14

4 Bethlehem VT 7 4 1 2 15 11 4 13

5 Chanmari FC 7 3 0 4 7 19 -12 9

6 Ramhlun North FC 7 2 0 5 5 14 -9 6

7 Zo United 7 1 1 5 6 23 -17 4

8 Dinthar FC 7 0 1 6 4 24 -20 1