Wenger-a'n Sanchez inkhel rih lo turin a duh

Arsenal manager Arsene Wen-ger-a'n Chile chuan an player pawimawh Alexis Sanchez chu a damchiang hman lo a nih chuan inkhelh luih tir rih lo turin a ngen.

Kum 27-a upa Sanchez hi hliam vangin Colombia nen 0-0 a an inhnehtawk ṭumin a inlan lo a, Chile lam hian karleha World Cup qualifier-a Uruguay an hmachhawn hunah chuan chhawr theih an beisei thu an sawi.

Gunners manager Wenger chuan, "Alexis Sanchez hi chuan hliam a nei chung pawhin engtik lai pawhin inkhelh a duh reng ṭhin a, hei hi thuneitu lam pawhin an hriatthiam ka duh. Player hriselna hi a pawimawh ber a, hun rei zawk ṭha taka a inkhelh theihna tur chuan a indim rih a ngai. A hliam a dam chiang a nih loh chuan Chile lam pawh hian khelh tir rih lo se ka duh," tiin a sawi.

Chile international Sanchez hi tun season kal mekah Arsenal pla-yer pawimawh a ni a, goal riat a khung tawh. Season hmasa khan a malpui na vangin thla hnih chhung a inkhel thei lo tawh a, tun dinhmuna Wenger a hlauthawng pawh hi a mak lo.

Arsenal hian league match 11 khelh tawh aṭanga point 24 hmuin palina an ni mek a, karleh Inrinni zanah Manchester United khel turin Old Trafford-ah an leng lut ang.