Warriors tan Curry bawk

Nimin zing NBA regular season inkhelah Golden State Warriors chuan Denver Nuggets lakah 125-101 in hnehna an chang a, player langsar ber chu ṭum dang ang thoin Stephen Curry a ni.

Pepsi Center-a in-khel-ah NBA Most Va-luable Player Curry hian court chhungah minute 30 hun a hman chhungin point 33 a score bakah rebounds vawi nga lain assists vawi sarih a nei bawk. Golden State hian tun season-ah match sarihah hnehna chang tawhin ṭum hnih chak loh an nei tawh thung.

Warriors tan hian Curry bakah Dallas Mave-ricks an hneh ṭuma che ṭha tak Klay Thompson chuan point 19 a score bakah Kevin Durant chuan point 18 a score bawk. Warriors hian karleh Tawhṭanni zing dar 6:30-ah Phoenix Suns an hmachhawn leh ang.