Swindon Town-ah Sherwood a lut

League One club talbuai mek Swindon Town chuan director of football turin Tim Sherwood an lalut. Kum 47-a upa Tottenham Hotspur manager hlui hi October 2015-a Aston Villa-in an ban hnuah hna nei loin a awm reng a, tunah chuan League One lam a pan ta a ni.

March thla lawka kum nga cham tura contract ziaktu Swindon head coach Luke Wil-liams chu coach a nih chhun-zawm zel ang a, Sherwood kaihhruaina hnuaiah a hna hi a thawk tawh thung ang.

League One lama match 16 khelh hnua relegation zone lama awm mek Swindon chairman Lee Power chuan, "Sherwood kan lakluh hi he club chanchina thil thleng lian ber a ni. Tim te ang manager ropui kan lalut thei hi tun thleng pawhin mak kan la ti a, Luke Williams chu coach a nih chhunzawm zel ang a, Tim hian training a enpui
ṭhin dawn a ni," a ti.

Sherwood chuan, "He club hi ka ngaina a, ka tan chuan training ground lama kir lehna remchang tak a ni bawk. Vawiin aṭang hian ka hna chu ka thawk ṭan ang a, dressing room lamah kan naute ka titi pui nghal bawk ang," tiin a sawi.