Rangers leh Barton an inṭhen

Scottish Premiership club Rangers FC chuan kar ruk chhung inkhel thei lo tura an hrem hnuah an midfielder Joey Barton chu inhriatthiam tawnnain a contract an tihtawp sak. Kum 2018 thleng cham tura contract nei Barton hian May thla khan Burn-ley aṭangin Rangers hi a zawm a, match riat chiah a khelhsak hman a ni.

Kum 34-a upa Barton hi Old Firm Derby-a Celtic laka 5-1 a an mual-pho hnuah training ground-ah a team mate Andy Halliday nen an inhnial buai a, player nung-chang ṭha lo ve tak Barton hi a chet dan uchuak avangin Rangers chuan an hrem a, a hnuah ngaihdam dil mah se manager Mark War-burton nen an inkar boruakin ngai a awh thei tawh lo.

Scottish Football Asso--ciation chuan Eng-land tana vawi khat inlan ve tawh midfielder hi pawisa inthapna lamah a lo inhman ve avangin an chhui mek bawk a, hemi chungchangah erawh SFA hian thuchhuah an la siam lo thung.

Manchester City, New-castle, Marseille leh QPR player hlui hian season
ṭan dawna Rangers a zawm khan, "Ka hun ṭha neih hi tuna ka bawhpelh a nih chuan ka damchhungin ka inchhir tawh dawn a ni," tiin sawi mah se Ibrox lam a pan hi tunah chuan a inchhir tawh zawkin a rinawm.

Barton chuan, "Ran-gers fan-te hnenah an hnena rei lote ka cham chhunga min ṭawiawmna avangin lawmthu ka sawi a, an kal lehzelna turah duhsakna ka hlan a ni," tiin twitter lamah a tarlang.

Rangers chuan, "Ran-gers leh Joey Barton te chuan a contract neihlai chu tihtawp mai kan remti ta. Rangers emaw Joey Barton ten he contract tih-tawp chungchangah hian sawi tur dang erawh kan nei lo," tiin thuchhuah an siam nghal.