Rosberg tan nomawi a hnai

Pathianni zan dar 9:30 hian Formula 1 Brazilian Grand Prix tlan a ni dawn. Championship lama hma-hruai mektu Nico Rosberg-a'n hnehna a chang a nih chuan cham-pion nomawi a chawi ang.

Kuminah intlansiak vawi 19 an hmachhawn tawh aṭangin Mecedes driver Rosberg hian point 349 hmuin a teammate Lewis Hamilton lakah point 19 in hma a hruai fal mek. Tun hnai in-tlan-siak hnuhnung pa-hniha hnehna changtu Hamilton-a'n Brazil-ah hian hnehna a chang a nih chuan November 27-a tlan tur Abu Dhabi Grand Prix-ah champion tur chinfel a ni thung dawn a ni.

German driver Ros-berg chuan, "Kan in-tlansiakna tur hmun hi ka hmun ngainat leh nuam tih em em a ni a, hnehna chang turin in-rintawkna ka nei bawk. Chutih rual-in point hmusa lo aṭanga bulṭan vek tur kan nih avangin engmah sawi lawk theih a ni lo," a ti. Tun hnai kum hnih chung chu Brazil-ah hian Rosberg hi pakhatna a ni tawh.

Champion lai Hamil-ton chuan, "Brazil-a inel-na hi engtik lai mahin a awlsam ngai lo a, hnehna chang ngei tura beih hi ka tan chona ṭha leh hautak a ni. Ka nomawi hloh mai turah ka la inngai lo a, kei chuan intlansaik hnuhnung pahniha hnehna chan hi ka tum ber a ni," a ti.

Formula 1 Brazilian Grand Prix hi kum 1972 aṭang khan neih ṭan a ni a, inelna hi ṭum 44 neih tawh niin vawi ruk hnena chang tawh Alain Prost chu chak hnem ber a ni. Nikum khan Mercedes driver pahnih an chungnung a - Rosberg chu pakhatna niin pahnihna chu Hamilton a ni, kuminah pawh anni pahnih bawk hi an inum leh ngei ang.