Goal nen Eugene a inlar nghal

Bengaluru FC-in AFC Cup an khelh avangin Eugeneson Lyngdoh-a'n Ningani zanah Indian Super League-a a match hmasa ber khel ve chauh mah se Khasi midfielder hian Mumbai City khelmualah goal khung nghalin a team Pune City chu 1-0 in hnehna a chanpui.

Mumbai City lamah India captain Sunil Chhetri a inlan tawh a, India international striker hi Diego Forlan nena inkawpin Pune tlarhnung vawi tam chhaih mangang mah se a tawpa langsar ber chu Eugene a ni. Shillong tlangval hian inkhel bul ṭan lo mah se second half-a khelmual a luh hnuah a hmuhnawm nghal a, minute 89-naah chakna goal a khung ta a ni.

Maharashtra Derby-ah Mum-bai tan a dan pangngaiin Lal-hma-ngaihsanga Ralte chuan inkhel bul a ṭan a, David Lalrinmuana erawh bench lamah hun hmantir a ni. Pune City lamah Zodingliana Tochhawng chuan bench-ah hun a hmang tluan bawk.