Kar thum chawl tur Umtiti

Barcelona defender Samuel Umtiti chu a malpui hliam vangin kar thum tal a chawlh a ngai dawn. Catalan club centre-back hi France team-a training an neih laiin hliam hi a tuar a, tunah chuan Nou Camp lamah inenkawl turin a kir leh tawh.

Barcelona chuan, "Samuel Umtiti chuan a malpui vei lamah hliam a tuar a, Ningani khan a hliam neihte uluk taka zirchian a nih hnuah kar thum tal chawlh a ngai dawn tih kan hmuchhuak a ni," a ti.

French defender hian Malaga, Celtic, Real So-cie-dad leh Hercules a hmchhawn thei dawn lo a, December 3-a Real Madrid nen El Clasico an khelh hunah pawh a dam chian hman dawn leh dawn loh a chiang lo. Kum 20-a upa defender hian nipui lai khan Lyon aṭangin Barca hi a pan a, inelna hrang hrangah match 10 a inlan sak tawh.

Barcelona hi hliam vangin an talbuai mek a, kar hmasa khan Sevilla laka 2-1 a hnehna an chan ṭumin tlarhnung lama an player pawimawh Gerard Pique, Jeremy Mathieu leh Jordi Alba te chu hliam vangin an inlan thei lo vek.