Hmeichhe champion Serchhip

Mizoram Football Association buatsaih, MSSC Inter District Women Football Championship chu nimin khan RG Stadium, Mualpuiah final khelh niin Serchhip DFA chuan penalty shootout-ah 4-3 a Champhai DFA hnehin an champion.

Final-ah hian hun pangngaiah 1-1 in an inhnehtawk. Minute 31-naa Lalhmangaihzuali goal hmanga Champhai hmahruaina chu second half-ah K. Lalruatfeli'n a sut. Serchhip player Lalruatfeli hian match li a khelhah goal li khungin top scorer a nih bakah best player atana thlan a ni bawk.

Tournament-ah hian Aizawl, Champhai, Serchhip leh Saiha District hmeichhe football team-te an tel a. Champion team hian trophy leh certificate an dawng. Fair Play award chu Champhai team ten an dawng thung. Team tel zawng zawng hian participation prize Rs. 7500 an dawng ṭheuh.