Team huaisen Zo Utd lakah Aizawl FC vannei

12th November, 2016

Aizawl FC-in nimin tlai khan Zo United 2-1 in a hneh a, Mizoram Premier League Season 5 semifinal lut turin an dinhmun a ṭha hle.

I League club tan hian Bright Middleton Mends leh substitute Rohmingthanga ten goal an khung a, Zo United tan Lalnunsanga'n goal khat a khung ve bawk. AFC keeper Zothanmawia chu man of the match-ah thlan a ni a, hei hi I League club vanneihna nemnghettu a ni.

Huaisen taka khel Zo United-in match li chhung point an hmuh tawh loh avangin point sarih hmuin table mawngphahah an awm a, Aizawl FC erawh point 19 hmuin pathum-naah an invawrhchho thung.

Goal hnih

Aizawl FC-in minute 10-na lekah Bright Middleton Mends hmangin goal an khung a, Ghanaian forward hian dinglam aṭanga B. Zoramthara cross chu tauh pialin keeper Lalvenghima a khum nalh hle.

I League club chungnung hret mah se inchhuang thei an ni lo. Zo United corner H. Malsawmtluanga pet chu Lalṭhazuala'n (Puitea) tauhin AFC keeper Zothanmawia'n a dang ṭha hle. Hemi hnu hian Puitea'n dinglam aṭangin a cross leh a, Lalnunpuia tauh chu goal ngeia tura ngaih ni mah se T. Mawi-a'n a vawi hnih nan AFC a chhanhim.

Aizawl FC forward Vanlal-duat-sanga chu inhliam vangin darkar chanve lekah thlak a ṭul a, veteran midfielder Rohming-thanga hahdam reitir theih a ni lo. Lengpui tlangval Rohminga hian a luh aṭanga minute ngana lekah Bright Mends a thawhrah sengin Aizawl FC goal hnihna a khung.

Ghanaian forward hi goal hnihah inrawlh ve ve mah se goal theihna hun ṭha a hlah bakah chance awm thei turin hun ṭha zawka a siam theih lo a, Aizawl FC-in striker ṭha zawk an la mamawh niin a lang.

AFC vannei

Second half-ah Aizawl FC-in goal tam zawk khung turah ngaih theih a ni a, amaherawhchu goal hma-ah Zo United an hlauhawm zawk.

Minute 53-naah Mala freekick pet chu Zo United forward Tale-a'n a tauh goal a, beiseina an neih phah bawk. Zo United tan Chhanrinpianga, Jesse Laldinpuia leh Tale-a ten keeper T. Mawia chauh an hmachhawn a, College Veng tlangval an paltlang zo lo.

Aizawl FC keeper Zothan-mawia chu match zawnin man of the match-ah thlan a ni a, hei hian champion lai AFC-in tun season-ah an chungnung bik lo a ni tih a ti lang chiang hle.

Eng nge an sawi?

Aizawl FC coach K. Mal-sawm-kima chuan, "Point thum hmuh kan duh ber a, kan duh ber kan hlawh chhuak. Kan game erawh duhthusam a ni lo a, insiamṭhat kan mamawh a ni. Semifinal kan lut tawhah ka la ngai lo a, luh thuai chu kan duh a ni," tiin inkhelh banah a sawi.

Zo United technical director James Khamliansawma chuan, "Aizawl FC kan khelh anga kan khelh chhoh theih chuan kan hmabak match thumah hian point kua kan hmuh theih kan la beisei ve tlat a ni. Vawiin bikah chuan kan vanduai a ni," tiin an la beidawn loh thu a sawi.

Aizawl FC-in nimin tlai khan Zo United 2-1 in a hneh a, Mizoram Premier League Season 5 semifinal lut turin an dinhmun a ṭha hle.

Huaisen taka khel Zo United-in match li chhung point an hmuh tawh loh avangin point sarih hmuin table mawngphahah an awm a, Aizawl FC erawh point 19 hmuin pathum-naah an invawrhchho thung.

Goal hnih

Aizawl FC-in minute 10-na lekah Bright Middleton Mends hmangin goal an khung a, Ghanaian forward hian dinglam aṭanga B. Zoramthara cross chu tauh pialin keeper Lalvenghima a khum nalh hle.

AFC vannei

Second half-ah Aizawl FC-in goal tam zawk khung turah ngaih theih a ni a, amaherawhchu goal hma-ah Zo United an hlauhawm zawk.

Aizawl FC keeper Zothan-mawia chu match zawnin man of the match-ah thlan a ni a, hei hian champion lai AFC-in tun season-ah an chungnung bik lo a ni tih a ti lang chiang hle.

Eng nge an sawi?

ZoFooty Statistics

Zo United 1 - 2 Aizawl FC

ZUFC : Lalnunsanga Hnamte 53'

AFC : Bright Middleton Mends 10'; Rohmingthanga 37'

MoM: Zothanmawia, Aizawl FC

43% Ball Possession 57%

15 Shots 16

6 On Target 9 0 Yellow Cards 3

0 Red Cards 0

Powered By Rainbow Multibrand

Mobile Showroom

Tute nge inlan?

Zo United (4-4-2) : Lalvenghima; Vanlalruata, Lalnunpuia Pachuau, Rosangzuala, R. Lalthantluanga (Vanlalhmangangaiha 45+2'); Jesse Laldinpuia (Malsawmdawnga 87'), C. Laldinmawia (Dominic Lalruatfela 52'), H. Malsawmtluanga, Lalṭhazuala; Lalnunsanga, Chhanrinpianga

Aizawl FC (4-3-3) : Zothanmawia; Lalhriatrenga, Lalramchullova, Lalrinzuala, Ricky Lallawmawma; B. Zoramthara, H. Lalbiakthanga, Vanlalṭhazuala (Lalnuntluanga 47'); Rochharzela, Bright Middleton Mends (F. Lalremsanga 59'), Vanlalduatsanga (Rohmingthanga 32')

Team Dinhmun

# Team Pld W D L GF GA GD Pts

1 Bethlehem VT 11 7 2 2 12 8 4 23

2 Chanmari FC 11 5 5 1 19 10 9 20

3 Aizawl FC 11 6 1 4 11 7 4 19

4 Chanmari West 10 5 1 4 13 9 4 16

5 Dinthar FC 10 2 5 3 11 15 -4 11

6 Ramhlun North 11 3 2 6 10 16 -6 11

7 Chhinga Veng 11 2 4 5 14 16 -2 10

8 Zo United 11 1 4 6 6 15 -9 7