Italy leh Spain an inum

World Cup qualifier Group G inkhelah Italy chuan 4-0 in Liechtenstein hneh mah se an elpui ber Spain chuan 4-0 in Macedonia an hneh ve tho a, goal difference-a sang zawk Spain hi group table chung berah an awm.

Italy-in Macedonia an hnehna inkhelah Torino striker Andrea Belotti chuan goal hnih a khung a, Ciro Immobile leh Antonio Candreva te chuan goal khat ve ve an thawh ve bawk - Italy hian major tournament qualifier kum 2006 hnua an khelhah tlawm hmel an la hmu miah lo! Match 54 khel tawhin vawi 40 hnehna an chang a, vawi 14 hi an khingpuite an inhnehtawkpui thung.

Spain-in goal khung an harsat loh tehlul nen Macedonia defender Darko Velkoski chuan an khingpui team hi goal khat a 'khilai' a, Vitolo, Nacho Monreal leh Aritz Aduriz te chuan goal khat ṭheuh an khung ve bawk.

Israel-in Italy leh Spain thlahfal lutuk an duh bik lo a, Eran Zahavi, Dan Einbinder leh Eliran Atar te goal khung hmangin Albania chu 3-0 in an hneh a, table chung lama Italy leh Spain chu point khat chiaha phak loin ngaihthah chi an ni bik lo tih an pholang.