Mexico chakna Marquez

Minute 89-naa captain Rafael Marquez tauh luh hmangin Mexico chuan United States lakah 2-1 in hnehna an chang.

Zirtawpni zan CON-CACAF 2018 World Cup qualifier inkhelah Mexico-in inkhel bul ṭan ṭha zawkin Miguel Layun chuan goal hma-hruai khungin Jesus Corona leh Carlos Vela ten woodwork an tih per zui bawk. US tan Bobby Wood-a'n an si phurh sutin ram pahnihte an inhnehtawk dawna a lan hnuah Layun-a corner pet chu Marquez-a'n a tauh lut.

CONCACAF aṭang hian ram 12 chu group pat-huma an inṭhen hran hnuah group tina a sang pa-hnih ṭheuh thlan chhuah leh an ni. Ram pa-ruk thlan chhuahte chu an inkhelh kual vek hnuah a sang pathum chu World Cup khel turin an tling nghal dawn a, palina chuan inter- confederation playoff an khel ang.

Barcelona defender hlui Marquez chuan, "Kualmualah hetiang result kan nei thei hi kan tan chuan a hlu a, kan hriat reng tawh tur a ni," tiin a sawi.

USA coach Jurgen Klinsmann chuan, "Mexi-co khan inkhel bul an
ṭan ṭhain min chhaih buai hle a, point khat kan hmu dawn a lan hnuah goal kan chhuah kha a pawi hle," a ti.

Nilaini zing dar 7:30-ah USA hian Costa Rica an hmachhawn dawn a, Me-xico hian Panama an hma--chhawn ve leh bawk ang.