Poland tan Lewandowski bawk

Romania khelmuala Poland an lenluh ṭumin Romania fan-ten halmawi an vawm lut a, Robert Lewandowski chu khelmual chhungah enkawl a ngaih phah hial. Mahse, Bayern Munich striker hi second half ṭantir lama thil thleng avang hian a talbuai duh lo a, minute 82-na leh injury time-a goal khung chhunzawmin a team chu 3-0 in hnehna a chanpui. Lewandowski-a'n goal hnih a khung hma hian Rennes forward Kamil Grosicki chuan minute 11-na lekah 'solo' goal ropui a khung bawk. Poland hian Group E-ah hmahruai mekin group inkhel dangah Denmark chuan 4-1 in Kazakhstan an sawp bawk.