Man City inkhel thei dawn
Manchester City-in Covid-19 vanga Everton an hmachhawn theih loh hnuah inkhelh phalna an nei leh tawh a, Pathianni zanah Chelsea an hmachhawn thei dawn.
December 28, Thawhṭanni zan khan Pep Guardiola hote hi Everton hmachhawn tur an ni a, amaherawhchu coronavirus vangin inkhelh ṭan hma darkar li chauh a awm tihin inkhlelh hun an sawn.
Krismas ni khan Kyle Walker, Gabriel Jesus leh staff pahnihten Covid-19 an vei tih hriat a ni a, an training-na hmun thlengin an khar zui. Man City team hian Covid-19 test an nei a, positive an awm belh tak loh avangin December 30 khan first team-ten training an nei leh ṭan.
Chelsea nen an inkhelh hunah Walker leh Jesus te an la inkhel dawn lo a, amaherawhchu Pep Guardiola hote an inkhel leh theih dawn tak avangin Premier League inkhel hmuhnawm bik en tur a awm dawn.
Frank Lampard-a kaihhruai Chelsea hi tun hnaiah an che ṭha lo a, Arsenal laka 3-1 a an tlawm hnuah Aston Villa nen 1-1 in an inhnehtawk. Blues hi table-ah paruknaah an awm mek a, pariatnaa awm Man City nen hian point 26 ve ve an hmu a, amaherawhchu Guardiola hote hi match hnihin an khel tlem zawk.
Zanin Inkhel Tur
11:00 PM Everton Vs West Ham United
1:30 AM Manchester United Vs Aston Villa
January 2, Inrinni
6:00 PM Tottenham Hotspur Vs Leeds United
8:30 PM Crystal Palace Vs Sheffield United
11:00 PM Brighton & Hove Albion Vs Wolverhampton Wanderers
1:30 AM West Bromwich Albion Vs Arsenal
January 3, Pathianni
5:30 PM Burnley Vs Fulham
7:45 PM Newcastle United Vs Leicester City
10:00 PM Chelsea Vs Manchester City
January 4, Thawhṭanni zan
1:30 AM Southampton Vs Liverpool