Ronaldo ngaisangtu Ibrahimovic

Manchester United striker Zlatan Ibrahimovic chuan Brazil legend Ronaldo anga khelh chhuah theih a châk thu a sawi chhuak.

Swede striker Ibrahimovic chuan, "Ronaldo hi chu mi danglam bik a ni a, ball a khawih tawh chuan mak tih tur hi a awm zel. Thil harsa tak hi a ti thei zel a, mitdawivaih ang mai a ni. Ball a chan chiah hian, "Ka lo ching fel ang e," a ti a ni ber a, tun hmain amah ang player hi an awm ngai lo a, awm pawh an awm leh tawh lo. Ka naupan laiin a inkhelh lai hi ka thlir ṭhin a, ka infuihna ṭhin pawh, "Amah ang hi ka ni thei tur a ni," tih hi a ni. Ronaldo hi chu danglamna thlen thei a ni a, ani hi chu team tana ênna thlentu a ni," tiin Brazilian striker Ronaldo a dah san thu a sawi.

Ibra hi Swansea nen tun season-a yellow card pangana a hmuh avangin November 19 zan dar 6:00-a Arsenal an mikhual hunah a inlan ve thei dawn lo a, Swede striker bakah hian inhliam vangin United defender Chris Smalling a khel thei dawn lo bawk.