Boxing Chanchinthar

Mizo coach hoin India : India youth team chuan nimin khan Moscow, Russia an thleng. November 14-27 inkar hian AIBA Youth World Boxing Championship 2016 chu St. Petersburg-ah neih a ni dawn a, India team kaihruaitu coach zingah hian Mizo coach C. Vanlalchhuanga (Ṭhuampui) a tel a, ani hi India Star 1 coach a ni.

Sr Women National Boxing : Nimin khan Mizoram team chuan Senior Women National Championship khel turin Aizawl an chhuahsan. Hmeichhe boxing inelna lian hi Uttarakhand-ah November 19-23 hian neih a ni dawn.

Mizoram tan hian boxer pariat - Rebeka Lallianmawii (48kg, Muthi), VLDuati (51kg, Khawbung), Lalruatfeli (54kg, Edenthar), TC Remruati (57kg, Excise Dept), Lalrinnungi (60kg, Bairabi), Lalbuatsaihi (64kg, Saron), Abisag VL Mawii (69kg, Vaphai) leh Lalfakmawii (81+kg, Zohnuai-Aizawl) te an feh chhuak a. Mizoram team hi coach R Lalbiak-sangi leh manager Jenny Lalremliani ten an hruai a ni.

Non Residential Camp : Vawiin ṭang-a hian Senior Men National Championship a tel tur Mizo boxer-te chuan Boxing Training Centre, Ramhlun Sports Complex-ah non residential camp an nei ṭan ang. Inelna hi December 8-13 inkar hian Guwahati, Assam-ah neih tur niin final selection hi November 20 hnu lamah neih a ni ang.