Delhi Dynamos tan Chhawnkima a lo kir e

Mizo tlangval Lalchhawnkima'n Delhi Dynamos tlarhnung-ah hun engemaw chen first eleven a chan loh hnuah Pathianni zan khan inkhel bul a ṭan a, Champhai tlangval hian Emerging Player of the Match chawimawina a hlawh chhuak - Jawaharlal Nehru Sta-dium, Delhi a inkhelah Delhi Dy--namos hian Atletico de Kolkata mi-khualin 2-2 in an inhnehtawk a ni.

Kolkata tan Iain Hume chuan
ṭan aṭanga minute 17-na lek-ah goal hmahruai a khung a, Dynamos striker Badara Badji chu chawlhlawk hma lawka a yellow card pahnihna avanga hnawhchhuah a nih bawk avangin Delhi dinhmun a ṭha lo hle. Mahse, player kim loa khel Delhi an hnual duh lo. Milan Singh-a'n minute 63-naa an si phurh a sut hnuah Javi Lara-a'n Kolkata hma hruai nawn pui mah se Chelsea winger hlui Florent Malouda chuan Delhi si phurh a sut ve leh a, 2-2 a ṭinin table chung berah Delhi an awm chhunzawm zel.

Dynamos defender Lal-chhawn-kima chuan, "Emerging Player of the Match-a thlan ka nih vawi khatna a ni a, keimah lamah pawh phurna min pe nasa a ni. Gianluca Zambrotta enkawlna hnuaia khelh a nuam a, player min rintawk ṭhin avangin pressure nei miah loin kan khel thei ṭhin a ni. Football ngaina a, min
ṭawi-awm ṭhintu Mizo mipuite chungah pawh ka lawm a, engkim hi Pathian vanga thleng a ni tih ka hriat avangin Pathian chunga ka lawmna hi a sang lehzual a ni," tiin Vanglaini palai hnenah a sawi.

Pathianni zan inkhelah hian Delhi tan Kim Kima'n a hming chher mah se Lalruatthara leh Malsawmzuala-te chuan bench lamah hun an hmang tluan thung a, Atletico de Kolkata tan Lalrindika Ralte leh Robert Lalthlamuana te chuan inkhel bul an ṭan bawk.