Suns lakah Warriors an chungnung

Golden Warriors chuan nimin zing khan Phoenix Suns lakah 133-120 a hnehna changin Eastern Conference-ah a zawnin match li chhung hnehna an chang ta. Warriors hian Ningani zing dar 6:30-ah Toronto Raptors an hmachhawn leh dawn a ni.

Oracle Arena-a inkhel-ah a dan pangngaiin Warriors tan Stephen Curry a langsar leh a, NBA Most Valuable Player hian point 30 score-in a teammate Klay Thompson nen an inzat a, Kevin Durant chuan point 29 a nei bawk. Season hmasa lama player pawimawh Draymond Green pawhin point 14 a score bakah rebounds vawi 7 lain assists ṭum 11 a nei bawk. Warriors hian tun season-ah match 10 khel tawhin vawi riat hnehna an chang. Chak lo zawk Phoenix hian match sarih hnehna chang tawhin ṭum thum an chak lohna a ni thung. An game hnu-hnung pahnihah hnehna an chang ta lo a, Ningani zingah Denver Nuggets an hmachhawn hunah insiamṭhat a ṭul tawh ang.