Goal riat khung thei Belgium

Roberto Martinez-a enkawl Belgium-in World Cup qualifier group H-a an hmahruaina chhawm nung turin harsatna an tawk lo a, Pathianni zan khan an mikhual Estonia chu 8-1 zetin an sawp.

Belgium tan Dries Mer-tens leh Romelu Lukaku te chuan goal hnih ve ve an khung a, Thomas Meunier, Eden Hazard leh Yannick Carrasco te chuan goal khat ṭheuh khungin Ragnar Klavan chuan an lamah a ti lut palh bawk. Estonia tana Henri Anier chuan goal khat khung ve mah se World Cup qualifier khelh meka Belgium lama goal khung thei awmchhun a ni tih loh chu kum 25-a upa striker goal khungin nghawng a nei thui lo.

Red Devils (Belgium sawi-na) lawm zanah Chel-sea-in lawm lohna tur an nei thung a, play-maker Hazard chu minute 74-naah a khup hliam vangin lakchhuah a ni. Tun season-a che
ṭha tak Hazard a dinhmun hi chiang taka hriat theih erawh a la ni lo thung.

Belgium hian World Cup qualifier khelh mekah match li khel tawhin chak loh an la nei lo a, goal 21 zet an khung tawh bawk.