Netherlands tan Depay

Manchester United winger Memphis De-pay-a'n club lam-ah hun chang tam lo mah se player 'talent' nei ṭha bik a nihzia Netherlands tan pholangin Luxem-bourg laka 3-1 a hnehna an channa inkhelah goal hnih a khung.

Netherlands tan Arjen Robben-a'n goal hmahruai a khung hnuah rin loh takin Luxembourg-in Maxime Chanot penalty hmangin an si phurh a sut a, second half-a tlan lut Depay chu inkhel danglamna thlentu a ni.

Kum 22-a upa winger hian tun season Premier League-ah minute 20 chiah la khel mah se Jose Mourinho tan inngaihtuahna hun ṭha a pe a, minute 58-naa an hmahruaina goal a tauh luh hnuah free kick hmangin chakna goal a khung chhunzawm nghal bawk.

Luxembourg-in an match hnuhnung pakuaah hneh an tawng tawh lo a, Netherlands erawh Group A-ah France chiah phak tawh loin pahnihna dinhmunah an invawrh thung.