Indian Wells khelh hun an sawn

Tennis inelna zinga mi Indian Wells tournament chu a hun pangngaiah khelh theih a ni dawn lo. Ruahman lawk dan chuan California-ah March thla hian khelh a ni dawn, mahse a hun a khelh theih a nih loh tur thu hi ATP chuan an sawi.

Grand Slam dawta inelna ngaihhlut hi season hmasa khan coronavirus vangin an lo ṭhulh tawh. Kuminah chuan ṭhulh loa khelh ngei an tum a, mahse hrileng vangin a hun pangngaiah an khel thei dawn lo.

Season dangah chuan Indian Wells-ah hian entu mi 400,000 vel chu khawvel hmun hrang hrang aṭangin an kal khawm ṭhin. Kuminah erawh an khel thei a nih pawhin a hmuna entu an awm theih a beisei awm loh hle a ni.