Ramos leh Spurs an sawizawm; Balague-a'n a ring lo

Real Madrid captain Sergio Ramos chuan nipui transfer-ah Santiago Bernabeu-a a contract a hmang zo tawh dawn a, tun thlenga contract thar a la ziah loh avangin club hrang hrang nen sawizawm mek a ni. 

Tun hnaia English media-te titi thar berah chuan Real Madrid-a Ramos lo enkawl tawhtu Mourinho chuan Spanish defender tawnhriat nei ṭha hi Tottenham Hotspur-ah lakluh a duh, tih a ni a, Spanish football expert Guillem Balague chuan thil thleng theiah a ruat lo thung. 

Spanish football-a khawvel rawn hlawh ber pawl Guillem Balague chuan, "Ramos leh Mourinho inkar hi chu kan hre sa vek a, thil thleng lo tur chiang a ni," tiin Spurs-ah Ramos a kal loh tur thu a sawi. 

Kum 34 mi Ramos hi kum 2012-a Mourinho-a'n Real a enkawl lai khan Portuguese manager nen hian an lo inhmu thiam lo tawh a, London club-ah inngeih thut tura rinthiam a harsa. 

Real Madrid hian La Liga table-ah pahnihna dinhmun an luah chhunzawm zel a, zanin dar 1:30 hian league match khel turin Celta Vigo an mikhual ang. Atletico Madrid chuan hma an hruai chhunzawm zel a, anni erawh Pathianni zan dar 8:45-ah an inlan chauh ang. 

Atletico hian league match 14 an khelh tawhah point 35 an nei a, an hnuai chiahah Real hian match 16 khelin point 33 an nei thung. Barcelona chu match 15-a point 25 neiin parukna an ni a, Catalan club hian Pathianni zan dar 1:30-ah Huesca an lenchilh dawn thung. 

Villarreal 06:30 PM Levante

Real Betis 08:45 PM Sevilla

Getafe 11:00 PM Real Valladolid

Real Madrid 01:30 AM Celta Vigo

Athletic Bilbao 06:30 PM Elche

Deportivo Alavés 08:45 PM Atletico Madrid

Eibar 11:00 PM Granada

Real Sociedad 11:00 PM Osasuna

Huesca 01:30 AM Barcelona

Valencia 1:30 AM Cadiz