Juve-ah Gatti a nghet

Juventus chuan an defender Federico Gatti chu kum 2030 thleng daih inremna an ziah pui. Turin khawpuiah Gatti hian hun a hmang chhunzawm rei dawn hle, contract a hman zawh chuan a vanglai chu Old Lady tan a hmang dawn tihna a ni.

Kum 27 mi Gatti hian 2022 khan Serie B club Frosinone aṭangin Juventus hi a zawm a, season thum chhung chu Juve tan hian player pawimawh leh rinrawl a ni tawh, season hmasa khan Serie A match 30 a khel.

An player thar chungchangah Bianconeri chuan thuchhuah siamin, "Theihna nei sang, khelmual chhung leh pawn lama entawn tlak a nih mai bakah hruaitu ṭha a ni bawk," tiin an player chungchang an sawi a, an thlung nghet thei chu an lawm hle.