Qatar-ah Firmino a kal

Liverpool forward hlui Roberto Firmino chuan Saudi Pro League club Al-Ahli a chhuahsan a, hun rei lote hnuah Qatar club Al-Sadd a zawm leh nghal a, kum hnih chhung atan inremna an ziak a ni.

Brazilian player Firmino hian Al-Ahli hi May thlaah khan Asian Champions League Elite title a lak pui a, tunah chuan Qatar Stars League champion tan chona thar a hmachhawn dawn a ni.

Kum 33 mi Firmino chuan, "Al-Ahli tan kum hnih chhung ṭha takin hun ka hmang. Asia champion kan ni a, khatiang hun kha a hluin a danglam hle bawk, ka hriatreng tawh tur a ni," tiin a club hlui a thlah.

Asian Champions League Elite-a hlawhtlinna an chan theih nan Firmino khan a thawh hlawk hle, match 12 an khelh aṭanga goal ruk khungin final-a Japanese club Kawasaki Frontale an hneh ṭum pawhin aṭhiante khung tur a siamsak.

Liverpool tana a khelh laiin Champions League nomawi a chawi tawh a, chumi hnuah Asia-ah a hlawhtling leh. Firmino hi Riyad Mahrez leh Edouard Mendy te hnung zuia Europe leh Asia champion ni khawp thei player pathumna a ni.