Japan-ah MotoGP tlan zel dawn

Japanese Grand Prix chu MotoGP calendar-ah kan hmu chhunzawm zel dawn tih a chiang ta a, kum 2030 thleng chu bike intlansiakna sang ber hi thleng chhunzawm turin Japan leh MotoGP thuneitute chuan inremna an nei.

Japanese GP hi kum 1990 aṭang khan neih a ni a, kum 2004 aṭang khan Motegi-ah tlan niin tun hnai kum thum chhung chui a hmun entu 2,29,000 an tling ziah a, ngaihhlut a hlawh takzet a ni.

MotoGP rights neitu Dorna Sports CEO Carmelo Ezpeleta chuan, "Japan hian MotoGP huangah hmun pawimawh tak a luah a, Motegi hian inelna hmuhnawm leh ngaihhlut hlawh tak a lo thleng ṭhin. Keini tan chuan inremna neih theih hi thil ṭha leh duhawm a ni," a ti.

Tun season Japanese Grand Prix hi September-ah tlan a ni dawn a, Asia khawmualpuiah ruah a la sur ṭhin hunlai a nih avangin intlansiak a ni hmuhnawm zual leh ngei pawhin a rinawm.