I Day Football NE United tel thei dawn lo

I Day Football 2025-ah North East United reserves an tel thei dawn lo a, fixtures tih danglam hret niin inelna pawh July 28, Thawhṭannia ṭan tur kha July 29, Thawhlehniah sawn a ni.

Tun ṭum inelnaah hian MPL club pariat Aizawl FC, Chanmari FC, Mizoram Police, SYS FC, MLS FC (Lawngtlai), Kanan FC, Dinthar FC leh Saikhamakawn FC te an inel dawn a. Aizawl DFA hnuaia First division club Tuitiang FC leh Ramthar FC bakah FIFA AIFF Talent Academy te an inel ang.

Group A-ah Mizoram Police, SYS FC, Kanan FC leh Ramhlun North te an awm a, group B-ah Aizawl FC, MLS FC leh Saikhamakawn te awmin, group C-ah Chanmari FC, Dinthar FC, Tuithiang FC leh FIFA AIFF Talent Academy te an awm.

Team 11 an tel a, quarterfinal a awm dawn avangin group stage aṭangin team pathum chauh an tla dawn. Group tin aṭangin a sang pahnihin quarterfinal an lut ang a, pathumna zinga tiṭha pahnihin knockout stage an lut bawk ang.

Ruahman dan chuan quarterfinal hi ni khata khelh zawh vek tur a ni a; August 11, Thawhṭanniah khelh a ni dawn. Semifinal hi August 13, Nilainiah khelh a ni ang a, final hi August 15, Zirtawpnia khelh tur a ni. Match zawng zawng hi RG Stadium, Mualpuiah khelh a ni ang.