Sindhu hnehtu Hooda a tla leh nghal

Badminton inelna China Open khelh laiah PV Sindhu hnehtu Unnati Hooda chu a match lehpekah a chak lo chhunzawm nghal. Nimin quarterfinal inkhelah Hooda hian Akane Yamaguchi a hneh lo.

Yamaguchi hi seeded pathumna a ni a, world champion pawh vawi thum ngawt ni tawhin kum 17 mi Hooda hneh turin harsatna lian a tawk lem lo, minute 33 chhungin 21-16, 21-12 in a hneh.

Indian tleirawl Hooda-i chuan, "Hnaih theihna remchang ka nei a, ṭhenkhat laiah phei chuan nih rual theihna remchang pawh ka hmu. Mahse, hun remchang ka hmuh angte ka chhawr ṭangkai thei lo zel," tiin a sawi.

Hooda hian a match hmasa zawkah PV Sindhu chu 21-16, 19-21, 21-13 in a lo hneh tawh a, darkar khat leh minute 13 zet an inkhelh hnuah Olympic medal vawi hnih la tawh a hneh a, beisei nei sang chho viau mah se a chak chhunzawm thei ta bik lo.

Mipa doubles lamah Satwiksairaj Rankireddy leh Chirag Shetty ten Malaysian duo Ong Yew Sin leh Teo Ee Yi te ṭangdun an hmachhawn ve bawk a, chanchinbu buatsaih lai hian result kan hre hman lo a ni.