Wolves winger thar Arias

Premier League club Wolves chuan Colombia international Jhon Arias an la lut - Fluminense aṭanga la lut turin pound maktaduai 15 an seng a, a man zatah hian pound maktaduai li hi chu a khelh ṭhat dan a zira pek tur a ni thung.

Kum 27 mi Arias hian Molineux Stadium-ah kum li cham turin contract a ziak a, kum khat dang atana pawhsei leh theih tura tih a ni bawk. Matheus Cunha-a kalsan tak jersey number 10 a ha dawn a ni.

Arisa hi tlarhma lamah chuan a sir ding lam leh vei lamah a khel thei ve ve. Cunha thlakna tur anga sawi chu ni chiah lo mah se, season tharah Wolves tan hmun pawimawh a chan ngei erawh a rinawm.

Vitor Pereira-a'n nipui bazar chhung player pahnih a la lut tawh - Arias hma hian Celta Vigo aṭangin midfielder Fer Lopez chu a lo la lut tawh bawk a ni.