ADFA hruaitute intawkkhawm

Aizawl Distrcit Football Association (ADFA) chuan ADFA Executive Member, Committee peng hrang hrang member, ADFA 1st Division team leh 2nd division team hruaitute ko khawmin intawhkhawmpui an buatsaih.

Intawhkhawmpui hi Zirtawpni tlai khan Thara Resort Falkland-ah neih a ni a, ADFA president Lalbiakthanga Khiangte chuan kalkhawmte lawmna thu sawiin, ADFA tana theihtawp chhuah tur leh ADFA-in hmachhawp an neihte tihlawhtling a, ṭan la turin kal khawmte a fuih.

VL Rinpuii, Executive Committee member-in tournament inkaihhruaina sawifiahin kal khawmten zawhna an neihte a chhang a, hun hlawk thlak tak hman a ni.