Quarterfinal-ah Fritz a chak lo

Tennis inelna ATP DC Open-ah seeded pakhatna Taylor Fritz chuan quarterfinal a paltlang zo lo, a khingpui Alejandro Davidovich-Fokina lakah 7-6 (7/3), 3-6, 7-5 a chak loin a zinkawng a tawp.

Fritz leh Davidovich-Fokina te hi an inkhel tawk hle, darkar thum leh minute nga an inkhelh hnuah world number 26 Davidovich-Fokina hi a vannei zawkah a ṭang a, ani hian semifinal-ah Ben Shelton a hneh zui leh bawk - Mizoram tana tukin zing dar 2:30 khan Alex de Minaur nen final an khel zui leh a ni.

August thla tawp aṭangin US Open an khel leh dawn ṭan a, hard court inelna neih hmain inbuatsaih nan tournament tenau zawk an khel mek. Final khel pahnih tan pawh inrintawkna neih san lehzual nan nomawi chawi a pawimawh khawp ang.