Raducanu a chak lo

Washington Open semifinal-ah Emma Raducanu chuan Anna Kalinskaya chu 6-4, 6-3 in a hneh lo a, final luh beiseina sang tak a neih chu a thamral zui nghal ta a ni.

Kum 22 mi Raducanu hian tun hmain US Open nomawi a lo chawi tawh a, khawvel a barakhaih. A tan US hi inkhelh nawmna hmun a nih avangin kuminah pawh beisei a nei sang, mahse a duhthusam a thleng dik thei bik rih lo.

Brirtish number 1 ni thar leh tur Raducanu chuan, "Tihsual ka ngah a, ka tihsual hlekah ka khingpui khan min hrem nghal zel. Kalinskaya kha a nghet em em a, ka tan kawng a inhawng ta lo a ni," tiin a sawi.

Kalinskaya hian nizan khan final-ah Leylah Fernandez a hmachhawn zui leh nghal a, result erawh kan hre hman ta lo.